Во периодот од 30^ти мај  до 02^ри јуни 2016 година, шпанските експерти г-ѓа Eva Escobar, г-ѓа Ana Ameztoy и г-дин José Francisco Alonso Picón,, во рамките на мисијата 2.2.8, спроведоа обука за извршување на инспекциски надзор во согласност со најдобрите практики на ЕУ, во соработка со две пилот инсталации, Мермерен комбинат и Прилепска пиварница.

Во групите за обука, од југозападниот регион и од Пелагонија регионот, земаа учество државни инспектори за животна средина, овластени локални инспектори за животна средина, како и пишувачи на дозволи.

На 30-ти мај на експертите одржаа средба во Скопје со претставници на Инспекциски Совет на Република Македонија, каде што го споделија своето искуство на неколку прашања од интерес на Инспекцискиот совет (квалификации на инспекторите, обука на инспекторите, оценување на инспекторите и нивната активност, планирање врз основа на проценка на ризикот, итн.) Покрај тоа, истиот  ден експертите ги направија последните подготовки за обука на останатите 3 дена.

Обуката се реализираше согласно следниот редослед:

• Ден 1: Групата која беше поделена на две подгрупи се обучуваше за начинот како да подготви инспекција преку подготовка на листа за проверка и програма (агенда) за инспекцијата, користејќи ги образците изработени во рамките на проектот како почетна основа, како и релевантните документи од инсталацијата (дозволата, мониторинг извештаи).
• Ден 2: Беше реализирана инспекција на лице место. Едната група беше во мермерен комбинат,  другата група во Прилепска  пиварница.
• Ден 3: Двете подгрупи беа обучувани за подготовка на инспекциски извештаи. Беше ставен акцент на тоа како инспекциските резултати имаат влијание за подобрување на квалитетот на дозволите, да се прилагоди зачестеноста на инспекциите и да се дефинираат некои клучни точки при наредните инспекции.

За време на првиот ден од обуката (31ви мај) учесниците беа поздравени од страна на градоначалникот на Прилеп, г-дин Марјан Ристески, и беше направено интервју кое беше објавено во печатените и телевизиските медиуми, http://www.prilep.gov.mk/news/mk/proektot-jaknenje-na-administrativnite-kapaciteti-na-centralno-i-lokalno-nivo-vo-oblasta-na-zivotna-sredina-se-oddrza-vo-prilep/.

Документи (образците исто така се достапни и во делот „документи и линкови“ на оваа веб страница):

• Агенда на обуката
• Образец за општа листа на проверка за инспекција
• Образец за секторска листа на проверка за инспекција на пиварници
• Образец за секторска листа на проверка за инспекција на рудници и каменоломи
• Најдобри Достапни Техники за управување со јаловина и јалови карпи од рударски активности
• Образец за најава на инспекција
• Образец за распоред на инспекција
• Образец за  завршен извештај од инспекциски надзор
• Прирачник за инспекција (за време на обуката се користеа дел 3.3. и Анекс 1)