Во периодот помеѓу 22ри и 26ти јуни 2015 година, холандските експерти г-дин Bram Segijn и г-ѓата Alena Groenen, и италијанскиот експерт г-дин Romano Ruggeri извршија проценка на потребите за обука за инспекторите за животна средина на централно и локално ниво преку интервјуа со државните и локалните инспектори за животна средина, како и со координаторот за обуки во областа на животната средина за општините од ЗЕЛС, со цел да се соберат информации за нивните потреби и за најкорисните пристапи за нивна обука. Се одржа дополнителен состанок со претставници од индустриите како и посета на една индустриска инсталација придружувана од страна на државен инспектор со цел да се соберат информации за нивната интеракција со инспекторите, потребите за обука што се детектирани од нивна страна и начинот на кој се вршат инспекциите во пракса.
Одговорите на прашалникот кој претходно беше доставен до државните и локалните инспектори беа анализирани и земени во предвид при подготовката на програмата за оценка на потребите за обука подготвен од страна на експертите.
Извештајот за оценка на потребите за обука може да го симнете подолу.
Првите препораки за структурата на програмата за обука и агендата за следната мисија 1.3.2 беа дискутирани и со Постојаниот твининг советник.
Дополнително беше организиран состанок со претставници на проектот за техничка помош "Зајакнување на капацитетите за имплементација на законодавството за животната средина на локално ниво", со цел размена на информации и воспоставување на основа за координација на програмите за обука во двата проекта.
Документи:
1.3.1. Agenda.doc
Training Needs Assessment for Environmental Inspectors at central and local level (June 2015)